၂၀၁၂ ခုနှစ်၊ ပြည်ထောင်စုလွှတ်တော် ဥပဒေအမှတ် (၁) ဖြစ်သော “ရပ်ကွက် သို့မဟုတ် ကျေးရွာအုပ်စု အုပ်ချုပ်ရေး ဥပဒေ” ကို နိုင်ငံတော် သမ္မတ က ၂၀၁၂ ခုနှစ်၊ ဖေဖော်ဝါရီလ ၂၄ ရက်နေ့က ပြဋ္ဌာန်းခဲ့သည်။
ဤဥပဒေ၏ အခန်း (၄) ။ ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူး ခန့်အပ်တာဝန်ပေးခြင်း။ ပုဒ်မ – ၆ တွင် “မြို့နယ်အုပ်ချုပ်ရေးမှူးသည် ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူး ရွေးချယ်ရာတွင် ကြီးကြပ်နိုင်ရေးအတွက် ယင်းတာဝန်ကို ထမ်းဆောင်ရန်ဆန္ဒရှိသော ရပ်ကွက် သို့မဟုတ် ကျေးရွာအုပ်စုအတွင်းရှိ အများကြည်ညိုလေးစားပြီး သြဇာတိက္ကမ ရှိသည့် ရပ်မိရပ်ဖ ငါးဦးကိုရွေးချယ်၍ ကြီးကြပ်ရေးအဖွဲ့အဖြစ် တာဝန် ပေးအပ်ရမည်။” ဟု ဖော်ပြထားသည်ကို တွေ့ရပါသည်။
မြို့အုပ်က ရပ်/ကျေး ကြီးကြပ်ရေး အဖွဲ့ဝင် ၅ ဦးကို တာဝန်ပေးအပ်ရမည် - ဖြစ်ပါသည်။ ထိုအဖွဲ့ဝင် ၅ ဦးကို ရပ်/ကျေးနေ ပြည်သူလူထုများက ကြိုက်နှစ်သက်ခြင်း ရှိ/မရှိ နှင့် ပတ်သက်၍ ဆန့်ကျင်ခြင်း၊ ကန့်ကွက်ခြင်း၊ ထောက်ခံခြင်းပြုနိုင်ပါရန် ဤဥပဒေတွင် ပြဋ္ဌာန်းချက်များ ပါရှိမလာပါ။ ကြီးကြပ်ရေး အဖွဲ့ဝင် ၅ ဦးကို မြို့အုပ်တဦးတည်းက တာဝန်ပေးအပ်သူသာ ဖြစ်ရပါတော့မည်။ အဖွဲ့ဝင် ၅ ဦးထဲမှ မည်သူ့ကိုမဆို ပြည်သူလူထုက သဘောထားပေးပိုင်ခွင့် ပေးအပ်ထားရပါမည်။ သို့မှသာ ပြည်သူ့ဆန္ဒနှင့်အညီ ရွေးချယ်မည့် ပြည်သူ့ကိုယ်စားလှယ်များ အမှန်အကန် ရရှိနိုင်ပါမည်။ လူထုပါဝင်မှုကို ဖိတ်ခေါ်သင့်ပါသည်။
ပြည်သူလူထု ကိုယ်တိုင်ပါဝင်လာနိုင်ရန် နည်းလမ်းကောင်းများရှာဖွေ၍ လုပ်ထုံးလုပ်နည်း သတ်မှတ်ပေးသင့်ပါသည်။
ပုဒ်မ - ၇ (ဂ) တွင် “ဆယ်အိမ်စုတစုတွင်ပါဝင်သော သက်ဆိုင်ရာ အိမ်ထောင်ဦးစီးများက မိမိတို့ဆယ်အိမ်စုတွင် နေထိုင်သူများအနက်မှ သတ်မှတ် အရည်အချင်းများနှင့် ပြည့်စုံသည့်ပုဂ္ဂိုလ်တဦးအား လျှို့ဝှက်ဆန္ဒမဲပေး၍ ရွေးချယ်ခြင်းခံရသူ၏ အမည်စာရင်းနှင့် ကိုယ်ရေးအချက်အလက်တို့ကို တင်ပြစေရမည်။”
ပုဒ်မ - ၇(ဃ) တွင် “ဆယ်အိမ်စု တစ်စုစီအလိုက် ရွေးချယ်ခြင်းခံရသည့် ပုဂ္ဂိုလ်အသီးသီးကို သတ်မှတ် အရည်အချင်းများနှင့် ပြည်စုံခြင်း ရှိမရှိ စိစစ်ရမည်။ သတ်မှတ်အရည်အချင်းများနှင့် ပြည့်စုံသူများကို ဆယ်အိမ်စု ကိုယ်စားလှယ်များအဖြစ် အမည်စာရင်းပြုစုရမည်။”
ပုဒ်မ - ၇(စ) တွင် “ပုဒ်မခွဲ (င) အရ ပြုစုထားသော အမည်စာရင်းပါပုဂ္ဂိုလ်များအနက်မှ ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူးတဦးကို ဆယ်အိမ်စု ကိုယ်စားလှယ်များအားလုံးက လျှို့ဝှက်ဆန္ဒမဲပေး၍ ရွေးချယ်စေရမည်။ ရရှိသော မဲစာရင်းကိုရေတွက်၍ ကြေညာရမည်။” ဟူ၍ ဖော်ပြထားသည်ကို အတိအလင်း တွေ့မြင်ရပါသည်။ ပွင့်လင်းမြင်သာသည့် လူ့အဖွဲ့အစည်းကို တည်ဆောက်ရာတွင် မရှိမဖြစ် လူထုပါဝင်မှုကိုရရှိစေရန် အများပြည်သူလူထု ရှေ့မှောက်တွင် ကျင်းပ ပြုလုပ်ပေးသင့်ပါသည်။
ပုဒ်မ - ၁၀ တွင် - “ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူးသည် နိုင်ငံရေးပါတီတခုခု၏ အဖွဲ့ဝင်ဖြစ်လျှင် ခန့်အပ်တာဝန်ပေးသည့်နေ့မှစ၍ မိမိတာဝန်ထမ်းဆောင်စဉ် သက်တမ်းအတွင်း ယင်းပါတီ အဖွဲ့အစည်း၏ ပါတီလုပ်ငန်းများတွင် ပါဝင်ဆောင်ရွက်ခြင်း မပြုရ။” ဟု ပြဋ္ဌာန်းထားချက်မှာ ပါတီစုံနိုင်ငံရေး စနစ်ကျင့်သုံးသည့် နိုင်ငံတိုင်းလိုက်နာရသည့်မူ ဖြစ်ပါသည်။ မည်သည့် ပါတီ အဖွဲ့အစည်း၏ သြဇာအာဏာ ဝင်ရောက်စွက်ဖက်မှုကိုမျှ လက်မခံနိုင်ရန် ကာကွယ်ရပါမည်။ ပြည်သူလူထု၏ ဥပဒေပါ အခွင့်အရေးကို ကာကွယ်စောင့်ရှောက်ရာတွင် ဘက်လိုက်မှု လုံးဝ ကင်းရှင်းရပါမည်။ သက်ဆိုင်ရာ အာဏာရပါတီက တို့ ပါတီ အနိုင်မရနိုင်လျှင် မင်းတို့အားလုံး ဖြုတ်ပစ်မယ် ဟူ၍ ခြိမ်းခြောက်သံများကိုလည်း ကြောက်လန့်စရာ မလိုပါ။ လူထုနည်း လူထုလက်တွေ့ဖြင့် တိုက်ရိုက်ပါဝင် ရင်ဆိုင်သင့်ပါသည်။ ကိုယ် ကိုယ်တိုင်ပါဝင်မှ ကိုယ်နှင့် မထိုက်တန်သည့် အစိုးရ၏ အန္တရာယ်ဘေးမှ ကင်းဝေးနိုင်ပါမည်။
ဤဥပဒေ အခန်း (၇)။ ရပ်ကွက် သို့မဟုတ် ကျေးရွာ အုပ်ချုပ်ရေးမှုး၏ လုပ်ငန်းတာဝန်များ။ ပုဒ်မ ၁၃ အရ လုပ်ငန်းတာဝန်များကို ပုဒ်မခွဲ (က) မှ ပုဒ်မခွဲ (ဠ) အထိ တာဝန်ပေါင်း (၃၂) ခုကို ပြဋ္ဌာန်းထားသည်ကို တွေ့ရပါသည်။ ပုဒ်မ ၁၃ (ဆ) တွင် “အခြားရပ်ကွက် သို့မဟုတ် ကျေးရွာအုပ်စုမှ ညဥ့်အိပ် ညဥ့်နေ လာရောက်တည်းခိုသော ဧည့်သည်များအတွက် ဧည့်စာရင်းတိုင်ကြားခြင်းကို လက်ခံခြင်း၊ ခွင့်ပြုခြင်း၊ ဧည့်စာရင်း စစ်ဆေးခြင်း၊ ဧည့်စာရင်း တိုင်ကြားရန် ပျက်ကွက်လျှင် အရေးယူခြင်း။” ဟု ဖော်ပြပါရှိပြီး၊ ပုဒ်မ ၁၇ (က) တွင်လည်း “အခြားရပ်ကွက် သို့မဟုတ် ကျေးရွာအုပ်စုတခုခုတွင် နေထိုင်ပြီး မိမိအိမ်ထောင်စု စာရင်းဝင်မဟုတ်သူက ညဥ့်အိပ် ညဥ့်နေ ဧည့်သည်အဖြစ် လာရောက်တည်းခိုခြင်းကို တိုင်ကြားရမည်” ဟုပါရှိပါသည်။
ပျက်ကွက်လျှင် ပုဒ်မ ၂၇ -အရ “ကျပ် ငါးထောင်ထက် မပိုသော ငွေဒဏ်၊ ငွေဒဏ်ပေးဆောင်ရန် ပျက်ကွက်ပါက ခုနှစ်ရက်ထက်မပိုသော ထောင်ဒဏ်ကျခံစေရန် သက်ဆိုင်ရာ တရားရုံးက ချမှတ်ရမည်။” ဟု ပြဋ္ဌာန်းထားပါသည်။ ဧည့်စာရင်းတိုင်ခဲ့ရသည့်ကာလနှင့် ခေတ်ကိုပြန်ကြည့်လျှင် အင်္ဂလိပ်ကိုလိုနီ နယ်ချဲ့လက်အောက်က ကျွန်သဘောက်ဘဝ ဖြစ်ပါသည်။ ဤဥပဒေ ပုဒ်မ ၃၇ - တွင် “မြို့များ အက်ဥပဒေ (၁၉၀၇ - ခုနှစ်၊ မြန်မာနိုင်ငံ အက်ဥပဒေ အမှတ် ၃) နှင့် ကျေးရွာ အက်ဥပဒေ (၁၉၀၇ - ခုနှစ်၊ မြန်မာနိုင်ငံ အက်ဥပဒေ အမှတ် ၆ ) တို့ကို ဤဥပဒေဖြင့် ရုပ်သိမ်းလိုက်သည်” ဟု ပါရှိပါသည်။ ရုပ်သိမ်းလိုက်သည့် ဥပဒေများတွင်ပါရှိသည့် အထက်ပါ ဧည့်စာရင်းပုဒ်မကို အဘယ်အတွက်ကြောင့် မရုပ်သိမ်းပါသနည်း။ မေးခွန်းထုတ်စရာ အချက်အလက် ကြီးကြီးမားမား ရှိလာပါသည်။
ကိုယ့်မိဘ ကိုယ့်ဆွေမျိုးသားချင်းလာလို့မှ ဧည့်စာရင်းသွားတိုင်ရသည် ဆိုလျှင်ပင် အိမ့်ကြက်သရေ ရုတ်လျော့သွားပါသည်။ အရပ်တကာ လူအများ သိက္ခာကျရမည့်အလုပ်မျိုးကို တမင်တကာ လုပ်ခိုင်းနေခြင်းမျိုးမှာ ခေတ်ကာလနှင့်မဆီလျော်ပါ။ ကိုယ့်မြေကို သူ့မြေအဖြစ် လုယူခံခဲ့ရသည့် ကျွန်သဘောက်ဘဝက လူခွန်ပေးခဲ့ရသည်များကို မမေ့သင့်ပါပေ။ ရပ်ရွာအေးချမ်းသာယာရေး ငြိမ်ဝပ်ပိပြားရေးကို တိုင်းပြည် လွတ်လပ်ရေးက အာမခံရပါမည်။ လွတ်လပ်သည့်နိုင်ငံတိုင်းတွင် ဤကဲ့သို့ဥပဒေများကို ဖျက်သိမ်းပြီးဖြစ်ပါ၍ ဤပုဒ်မအား မနှေးအမြန် ဖျက်သိမ်းပစ်ရန် လိုအပ်ပါသည်။
ထို့နောက် မြန်မာနိုင်ငံ ပြည်ထောင်စုအစိုးရအဖွဲ့ ၂၀၁၁ ခုနှစ်၊ အောက်တိုဘာလ ၁၉ ရက်စွဲပါ အမိန့်ကြော်ငြာစာအမှတ် ၄၄/၂၀၁၁ ဖြင့် လယ်ယာမြေ ဥပဒေကြမ်း ရေးဆွဲရေးကော်မရှင်ကို ဖွဲ့စည်းပေးခဲ့ပြီး ဖြစ်ပါသည်။ သို့သော် လယ်ယာမြေဥပဒေမှာ ယနေ့ထိ ထွက်ရှိလာခြင်း မရှိသေးပါ။ ဤကဲ့သို့ လယ်ယာမြေကိစ္စရပ်များအားလုံးနှင့် အကျုံးဝင်စေမည့် ဥပဒေတရပ်ထုတ်ပြန်နိုင်ခြင်း မရှိသေးသည့်အချိန်တွင် ယခု ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးဥပဒေ ၏ ပုဒ်မ ၁၃(ဘ) - တွင်
“တည်ဆဲ ဥပဒေတရပ်ရပ်က အပ်နှင်းထားသော လုပ်ပိုင်ခွင့်အရ လယ်ယာမြေ စီမံခန့်ခွဲခြင်း။” တာဝန်ကို ပေးအပ်ထားသည်ကို တွေ့ရပါသည်။
လယ်ယာမြေ စီမံခန့်ခွဲပိုင်ခွင့် သက်ဆိုင်ရာ လယ်ယာမြေဥပဒေ မပြဋ္ဌာန်းနိုင်သေးမီကာလတွင် ခေတ္တ ဆိုင်းငံ့ထားသင့်ပါသည်။ နိုင်ငံနှင့်အဝှမ်း ပေါ်ပေါက်နေသည့် လယ်ယာမြေပြဿနာအားလုံးကို ကျေးရွာ အုပ်ချုပ်ရေးမှူးများ၏ ခေါင်းပေါ်သို့ ပုံမချသင့်ပါ။ ပြည်သူ့အုပ်ချုပ်ရေးကို ဦးတည်ဆောင်ရွက်ရမည် ဖြစ်ပါသည်။
ဥပဒေများ၏ခေါင်ချုပ် ၂၀၀၈ ဖွဲ့စည်းပုံအခြေခံဥပဒေ ပုဒ်မ -၂၈၉ တွင် ပြဋ္ဌာန်းထားသည့်အလျောက် ယင်းသို့ ခန့်အပ်တာဝန်ပေးပြီး ဤဥပဒေကို ပြဋ္ဌာန်းလိုက်သည်ဟု နိဒါန်းတွင် ရေးထားပါသည်။ ဤကဲ့သို့ပင် ပုဒ်မ - ၂၈၈ တွင် “ခရိုင်အဆင့်နှင့် မြို့နယ်အဆင့်တို့၏ အုပ်ချုပ်ရေးကို နိုင်ငံ့ဝန်ထမ်းများအား တာဝန်ပေး ဆောင်ရွက်စေရမည်။” ဟု ပြဋ္ဌာန်းပါရှိပါသဖြင့် မြို့နယ်နှင့် ခရိုင်အုပ်ချုပ်ရေးဥပဒေများ အလားတူ ထုတ်ပြန်လာနိုင်လျှင် ပြည်သူ့အုပ်ချုပ်ရေး ပိုမိုပီပြင်ပြီး ပိုမို စည်းကမ်းပြည့်ဝသည့် ဒီမိုကရေစီကို ဖော်ဆောင်လာနိုင်လေမလား စိတ်ကူးယဉ်ရမလိုလိုပင်။
ဤဆောင်းပါး ရေးနေလျှက်တန်းလန်းမှာပင် နိုင်ငံကျော် အဆိုတော်ကြီး ကိုအံ့ကြီး၏ ကျေးရွာဝါဒ သီချင်းကို ကြားယောင်မိပါသည်။ ကျေးရွာဝါဒ ပြောင်းလဲလိုက်ကြပေါ့ ခင်ဗျာ။
ဦးမျိုး (ဥပဒေ)
၂၊ ၃၊ ၂၀၁၂
-xxx-
No comments:
Post a Comment