ပါဝင်ဆွေးနွေးပေးမယ့်သူတွေကတော့ လူ့ဘောင်သစ်ဒီမိုကရက်တစ်ပါတီရဲ့ ဥက္ကဋ္ဌ ဦးအောင်မိုးဇော် ရှိပါတယ်။ နောက်တစ်ဦးက အမျိုးသားလွှတ်တော် ရန်ကုန်တိုင်းဒေသကြီး အမျိုးသားလွှတ်တော်ရဲ့ ပြည်သူ့လွှတ်တော် ကိုယ်စားလှယ် ဒေါက်တာ မြတ်ဉာဏစိုး ရှိပါတယ်။ NLD က တာဝန်ရှိသူတစ်ဦးကိုလည်း ဖိတ်ခေါ်မှာ ဖြစ်ပါတယ်။ အားဖြည့်ပြီး ဆွေးနွေးပေးဖို့အတွက်လည်း VOA မြန်မာပိုင်းရဲ့ အဖွဲ့သားလည်းဖြစ်တယ်၊ နောက် ဗဟုဖွံ့ဖြိုးရေးအဖွဲ့ရဲ့ အကြီးတန်း သုတေသီဖြစ်တဲ့ ဦးတင်မောင်သန်းလည်း ရှိပါတယ်။
VOA။ ။ ဦးအောင်မိုးဇော်ကို အရင်မေးချင်ပါတယ်။ ဦးအောင်မိုးဇော်ခင်ဗျ အခု လက်ရှိအသွင်ကူးပြောင်းရေးမှာ ပြောကြမယ်ဆိုရင် အားမလို အားမရသံတွေလည်း ကြားရပါတယ်။ အားရကျေနပ်မှု တစုံတရာ လက်ခံနိုင်စရာ အတိုင်းအတာတွေ ပြောကြတာလည်း ရှိပါတယ်။ ဦးအောင်မိုးဇော်ရဲ့အမြင်ကို အရင်ဆုံး သိချင်ပါတယ် ခင်ဗျ။
ကျနော်တို့ နိုင်ငံရေးအကျဉ်းသားတွေ အများကြီးဖမ်းထားတယ်။ ကျနော်တို့ တိုင်းပြည်ထဲမှာ နိုင်ငံရေးအကျဉ်းသားရှိတယ် ဆိုတာတောင်မှ လက်ခံတဲ့အနေအထားမျိုး မရှိသေးဘူး။ မနေ့တနေ့က ထုတ်ပြန်သွားတဲ့ လွတ်ငြိမ်းချမ်းသာခွင့်ကို ကြည့်ရင်လည်း သိမှာပေါ့။ ဆိုတော့ ကျနော် ချုပ်ပြီးပြောမယ်ဆိုရင်တော့ ကနေ့ ဒီမိုကရေစီအသွင်ကူးပြောင်းရေး၊ ဒီမိုကရေစီ အသွင်ကူးပြောင်းရေးလို့ ပြောနေကြတာတွေ ရှိတယ်။ လက်တွေ့မှာ ကျနော်တို့တိုင်းပြည်က ဒီမိုကရေစီ အသွင်ကူးပြောင်းရေးကာလအဆင့်ကို မတက်လှမ်းနိုင်သေးဘူးဖြစ်တယ်။ နောက် ခုန သူ ချုပ်ကိုင်ထားတာတွေကိုတောင်မှ တိတိကျကျ ခိုင်ခိုင်မာမာ လျှော့ချပေးရမယ့်အဆင့်တွေကိုတောင်မှ အခုချိန်ထိ သူ လျှော့ချပေးတာကို မတွေ့ရသေးဘူးလို့ ကျနော့်အနေနဲ့ အဲဒီလိုပဲ ပြောချင်ပါတယ်။
VOA။ ။ ဟုတ်ကဲ့။ ဒေါက်တာဦးမြတ်ဉာဏစိုး ကြားမယ်ထင်ပါတယ်ခင်ဗျ၊ ဦးအောင်မိုးဇော် ဆွေးနွေးတာ။ သူကတော့ အသွင်ကူးပြောင်းရေးကာလတစ်ခု ရောက်နေပြီဆိုတဲ့ဟာ သုံးသပ်ချက် သူကတော့ မမြင်သေးဘူး ယူဆပါတယ်။ ဒေါက်တာမြတ်ဉာဏစိုးရဲ့အမြင် သိချင်ပါတယ်ခင်ဗျ။
VOA။ ။ ဟုတ်ကဲ့။ ကျနော် ဆရာ ဦးတင်မောင်သန်းကို ဒီမှာ မေးချင်ပါတယ်။ ဆရာ ဦးတင်မောင်သန်း ရှေ့ကလူတွေ ပြောသွားတာ ကြားမယ်ထင်ပါတယ်။ ကျနော် စကားလုံးအရတော့ မပြောချင်တော့ပါဘူး။ ဒါပေမယ့် လက်ရှိ နိုင်ငံရေး ပြုပြင်ပြောင်းလဲမှုဆိုတဲ့ဟာကို မြင်ချင်ပါတယ်။ အဲဒီတော့ ၁ နှစ်တာတော့ ရှိ်လာပါပြီ။ ၁ နှစ်တာ နိုင်ငံရေးပြုပြင်ပြောင်းလဲမှုမှာ အားမလို အားမရဖြစ်တဲ့ လေသံတွေ ဦးတင်မောင်သန်းလည်း လေလှိုင်းတွေမှာ ကြားနေရမှာပါ။ အဲဒီတော့ လက်ရှိ ဒီအပေါ်မှာ ထောက်ခံတဲ့လူတွေလည်း ရှိပါတယ်။ ဦးတင်မောင်သန်းရဲ့ သုံးသပ်ချက်ကို သိချင်ပါတယ်။
ဦးတင်မောင်သန်း။ ။ ယေဘူယျအားဖြင့်တော့ အာဏာရှင်စနစ်ကနေ ခွာတယ်ပေါ့နော်။ ကျနော်ကတော့ အခွာရယ်၊ အကူးရယ်၊ အခိုင်ရယ်ပေါ့နော်။ ခုနက ကိုမြတ်ဉာဏစိုးပြောသွားသလို အခိုင်ပေါ့နော်။ ခိုင်အောင်လုပ်တဲ့အဆင့်တော့ မရောက်သေးဘူးလို့ ထင်ပါတယ်။ ကျနော် ယေဘူယျအားဖြင့်တော့ ကိုအောင်မိုးဇော်နဲ့ သဘောတူပါတယ်။ တခြားနိုင်ငံတွေကိုကြည့်တဲ့အခါမှာလည်း ကျနော်တို့က အာဏာရှင်စနစ်ကနေ ခွာတယ်ပေါ့လေ။ ပိုပြီး လွတ်လပ် ပွင့်လင်းတဲ့ အာဏာရှင် ဒါမှမဟုတ်ရင် တစ်ပါတီစိုးမိုးရေးပုံစံကို သွားကောင်းလည်း သွားပါလိမ့်မယ်။ ဆိုတော့ ယေဘူယျ အားဖြင့်တော့ အရင်နဲ့နှိုင်းယှဉ်ကြည့်လို့ရှိရင် လွတ်လပ်ပွင့်လင်းလာတဲ့ အနေအထားတွေ အများကြီးတိုးတက်မှု ရှိလာတယ်။ ဒီမိုကရေစီလမ်းကြောင်းပေါ် ရောက် မရောက်၊ အကူးအပြောင်းပေါ် ရောက်မရောက် ဆိုတာကတော့ ယေဘူယျအားဖြင့် ပညာရှင်တွေကြည့်ကြတာကတော့ တွေ့ဆုံဆွေးနွေးရေး ရှိရမယ်။ ပြီးရင် ကျနော်တို့ ဖွဲ့စည်းပုံနဲ့ ပတ်သက်တဲ့ သဘောတူညီချက်တွေ ရရမယ်။ ပြီးရင် ရွေးကောက်ပွဲက တရားမျှတ ရမယ်၊ လက်ခံနိုင်ရမယ်၊ မူဝါဒကွဲပြားတာတွေကိုလည်း ထင်သာမြင်သာ ရှိလာရမယ်ဆိုတဲ့အချက်တွေနဲ့ ကြည့်တဲ့အခါကျတော့ အဲဒီအချက်တွေကို ရောက်ဖို့ကတော့ မြန်မာနိုင်ငံက လိုသေးတယ်ထင်ပါတယ်။
VOA။ ။ ဟုတ်ကဲ့။ ကျနော်တို့ အခု ဒီဆွေးနွေးပွဲနဲ့ ပတ်သက်ပြီးတော့ လက်တလော ဒီ ပေးစာလေးတွေ ဖတ်ကြားချင်ပါတယ်။ မောင်ဘ ဆိုပြီးတော့ သောတရှင်တဦးက ပေးပို့ထားပါတယ်။
မောင်ဘ။ ။ ၂၀၁၂ ခုနှစ်မှာ မြန်မာ့နိုင်ငံရေး စီးပွားရေး၊ နိုင်ငံတကာ ဆက်ဆံရေး အစရှိတဲ့နေရာတွေမှာ တဖြည်းဖြည်း ပြောင်းလဲလာလိမ့်မယ်လို့ ယုံကြည်ပါတယ်။ ဒါပေမယ့်လည်း အမြန် ပြောင်းလဲဖို့တော့ သိပ်ပြီးတော့ မမျှော်လင့်နိုင်ပါဘူး တဲ့။ ဘာကြောင့်လဲဆိုတော့ လက်ရှိ စစ်ဗိုလ်ချုပ်တွေနဲ့ ဦးသိန်းစိန် အစရှိတဲ့ ဗိုလ်ချုပ်ဟောင်းတွေဟာ ပြောင်းလဲဖို့အရေးမှာ စိုးရိမ်ကြောင့်ကျမှုတွေ ကြောက်ရွံ့မှုတွေကြောင့် နှေးကွေးနေကြပါတယ်။ သူတို့ရဲ့ စိုးရိမ်မှုတွေထဲမှာဆိုလို့ရှိရင် သူတို့လုပ်ခဲ့တဲ့ အမှားတွေကို ပြန်ပြီးတော့ အရေးယူခံရမှာကို အထူး ကြောက်ရွံ့နေကြတယ်။ ဥပမာအားဖြင့် ၁၉၉၀ ရွေးကောက်ပွဲမှာ NLD အနိုင်ရခဲ့ပေမယ့်လည်း အာဏာလွှဲမပေးခြင်းနဲ့ ပတ်သက်ပြီးတော့ နိုင်ငံတကာ စစ်ခုံရုံးကိုတင်မည် ဆိုတဲ့အချက်ကြောင့်ဖြစ်တယ်ဆိုပြီးတော့ ဗိုလ်ချုပ်ဟောင်းတစ်ဦးက ပြောခဲ့ဖူးပါတယ် တဲ့။ ၂၀၁၀ ရွေးကောက်ပွဲမှာလည်း NLD ပြန်ပါလာမယ်ဆိုလို့ရှိရင် သူတို့ရဲ့အာဏာ လက်လွှတ်ရမှာကိုလည်း စိုးရိမ်တဲ့အတွက်ကြောင့် NLD မပါဝင်နိုင်အောင် ကန့်သတ်ခဲ့တာ ဖြစ်ပါတယ်။ အခုအခါမှာတော့ သူတို့တွေဟာ လွှတ်တော်တွေမှာ အများစု ရရှိနေပြီဖြစ်တဲ့အတွက်ကြောင့်မို့လို့ ပင်မ အဓိက ဝန်ကြီးဌာနတွေကိုလည်း ချုပ်ကိုင်ထားနိုင်ခဲ့ပြီ ဖြစ်တဲ့အတွက်ကြောင့်မို့လို့ NLD ကို ပြန်ပြီးတော့ ပါဝင်နိုင်ဖို့ လမ်းဖွင့်ပေးခဲ့တာ ဖြစ်ပါတယ်။ ဒါပေမယ့်လည်း NLD လွှတ်တော်ထဲကို ရောက်လာပြီးတဲ့နောက်ပိုင်း ၎င်းတို့ရဲ့ ဘက်တော်သားတွေ ကြံ့ခိုင်ဖွံ့ဖြိုးရေးပါတီဝင် အမတ်တွေ၊ တပ်မတော်သားတွေကို စည်းရုံးဘက်ပြောင်းသွားမှာကိုလည်း စိုးရိမ်ကြောင့်ကျမှုတွေ ရှိနေပါတယ်။
VOA။ ။ ဒါကတော့ သောတရှင် မောင်ဘ ဆိုသူရဲ့ ပေးစာဖြစ်ပါတယ်။
ဒါနဲ့ပတ်သက်လို့ အမျိုးသားဒီမိုကရေစီအဖွဲ့ချုပ် လွှတ်တော်ထဲ ဝင်ရောက်တာနဲ့ပတ်သက်လို့ ကျနော်တို့ သတင်းဌာနတွေ အမျိုးမျိုးကြေညာခဲ့ပြီး ဖြစ်ပါတယ်။ တချို့ကလည်း NLD လွှတ်တော်ထဲဝင်တာနဲ့ ပတ်သက်လို့ လက်မခံတဲ့လူ ရှိသလိုပဲ၊ ဒါကို ကြိုဆိုမှုတရပ်အနေနဲ့ မြင်တာလည်း ရှိပါတယ်။ ဒီ ခုနက မောင်ဘ ပြောသွားတဲ့အမြင်နဲ့ပတ်သက်လို့ ကျနော် ဒေါက်တာမြတ်ဉာဏစိုးကို ဒီမှာမေးချင်ပါတယ်။ ခုနက NLD လွှတ်တော်ထဲကို ဝင်လာမယ်ဆိုရင် ဒီ ကြံ့ခိုင်ဖွံ့ဖြိုးရေးပါတီဝင်တွေ တပ်မတော်သားတွေ စည်းရုံးရေးဘက်ပြောင်းမှာကို စိုးရိမ်ကြောင့်ကျမှု ရှိတယ်ဆိုတဲ့ ဒါ သူ့ရဲ့ သုံးသပ်ချက်ပေါ့နော် ဒေါက်တာမြတ်ဉာဏစိုးကရော ဘယ်လိုမြင်လဲ။ အဲဒီလို ကြောင့်ကျစိတ် အာဏာပိုင်တွေဘက်မှာ ရှိရဲ့လား၊ ရှိသလား၊ ရှိတယ်လို့ မြင်ပါသလား ခင်ဗျာ့။
ဒေါက်တာမြတ်ဉာဏစိုး။ ။ မှန်ပါတယ်ခင်ဗျ။ ရှိပါတယ်။ ရှိကို ရှိနေပါတယ်။ ဘာဖြစ်လို့လဲ ဆိုတဲ့အခါကျတော့ ကျနော်တို့ အခု အန်တီစုပေါ့နော်၊ အန်တီစုဟာ လွှတ်တော်အတွင်းကို မဝင်ရောက်ရသေးပါဘူး။ ရွေးကောက်ပွဲကိုလည်း မဖြတ်သန်းရသေးပါဘူး။ ဒါပေမယ့်လည်း အန်တီစုရဲ့သြဇာ ကြီးမားကျယ်ပြန့်မှု၊ အန်တီစုရဲ့ ဉာဏ်အမျှော်အမြင် မြင့်မားမှုဟာ၊ အန်တီစုရဲ့ အနေအထားက မြန်မာနိုင်ငံရဲ့ National Figure ပေါ့နော် အမျိုးသားခေါင်းဆောင် ဆိုတာထက်ကို ကျနော်တို့ မြန်မာနိုင်ငံတည်ရှိနေတဲ့ ပထဝီနိုင်ငံရေးအနေအထားအရ ဒေသတွင်းမှာပါ သြဇာလည်း ကြီးမားတဲ့ပုဂ္ဂိုလ်တစ်ဦး ဖြစ်နေပါတယ်။ အဲဒီအခါကျတော့ ကျနော်တို့ လွှတ်တော် ဥက္ကဋ္ဌတွေ ဝမ်းသာအယ်လဲ ကြိုဆိုနေတာတွေ ဒါတွေကို ကြည့်ခြင်းအားဖြင့်ကို ဒါ အန်တီစုနဲ့တကွ အယောက် ၄၀ ကျော် ဝင်ရောက်လာမယ့် NLD က ကိုယ်စားလှယ်တွေဟာ အတိုင်းအတာတစ်ခုအထိတော့ ဒီဘက်က ပုဂ္ဂိုလ်တွေကို စည်းရုံးနိုင်လိမ့်မယ်လို့ ဒါမှမဟုတ်လည်း လှုပ်ခတ်သွားအောင်ပေါ့နော် ဆောင်ရွက်နိုင်လိမ့်မယ်လို့ ကျနော်ကတော့ မြင်ပါတယ်ခင်ဗျာ့။
VOA။ ။ ကျနော် ဦးအောင်မိုးဇော်ကို ဒီမှာ မေးချင်ပါတယ်။ တလောကပဲ မနေ့ကပဲ ထင်ပါတယ်။ ဒေါ်အောင်ဆန်းစုကြည်က အင်တာဗျူးတစ်ခုမှာ ပြောသွားတာ ကျနော်တို့ ကြားမိပါတယ်။ အဓိကကတော့ လက်ရှိ နိုင်ငံရေးပြုပြင်ပြောင်းလဲမှုမှာ စစ်တပ်က အနှောက်အယှက်ပုံစံမျိုးပေါ့နော် ဖြစ်ကောင်းဖြစ်လာနိုင်တယ်ဆိုပြီးတော့ သုံးသပ်တာ ကျနော်တို့ တွေ့ရပါတယ်။ အဲဒီတော့ ဦးအောင်မိုးဇော် ခုနက ဒေါ်အောင်ဆန်းစုကြည်ပြောတဲ့ အနေအထားပေါ်မှာ မူတည်ပြီးတော့ လက်ရှိသွားနေတဲ့ ဒီ ပြုပြင်ပြောင်းလဲရေးလုပ်ငန်းစဉ်တွေမှာ စစ်တပ်က အနှောင့်အတား ဖြစ်နိုင်သလား၊ ဒါက အနှောက်အယှက်တစ်ခုအနေနဲ့ အကဲစမ်းချက် တခုအနေနဲ့ ဖြစ်နိုင်သလား ဦးအောင်မိုးဇော် ဘယ်လိုယူဆပါသလဲ။
ဦးအောင်မိုးဇော်။ ။ စစ်တပ်ကပဲ အနှောက်အယှက်ပေါ့၊ စစ်ခေါင်းဆောင်တွေကပဲ အနှောက်အယှက်ဖြစ်မလား သို့တည်းမဟုတ် ဒီကနေ့ အစိုးရအဖွဲ့ထဲက ခေါင်းဆောင်တွေကိုယ်တိုင် ကပဲ ခုနလို ပြုပြင်ပြောင်းလဲလိုစိတ် နည်းနေသလား စသည်ဖြင့် ဒီမေးခွန်းတွေကို ဖြေဖို့ခက်ပါလိမ့်မယ်။ သို့သော်လည်းပဲ လက်တွေ့ပေါ့နော် မနေ့တစ်နေ့ ထုတ်ပြန်လိုက်တဲ့ လွတ်ငြိမ်းချမ်းသာခွင့်ပေါ့ဗျာ။ ဒီ လွတ်ငြိမ်းချမ်းသာခွင့်အရဆိုလို့ရှိရင် ကျိန်းသေတာက လက်ရှိ အုပ်ချုပ်နေတဲ့ ပုဂ္ဂိုလ်တွေကိုယ်နှိုက်က သူတို့နဲ့ ပူးပေါင်းဆောင်ရွက်ပါ့မယ်၊ လွှတ်တော်ထဲကို ဝင်ပါ့မယ်၊ ဒီကနေ့ဖြစ်နေတဲ့ နိုင်ငံရေးဖြစ်စဉ်ထဲမှာ လက်ရှိအုပ်ချုပ်တဲ့သူတွေနဲ့ ပူးပေါင်းဆောင်ရွက်ပါ့မယ်လို့ ကနေ့ပြောနေတဲ့ အမျိုးသားဒီမိုကရေစီအဖွဲ့ချုပ်၊ အမျိုးသားဒီမိုကရေစီအဖွဲ့ချုပ်ရဲ့ ခေါင်းဆောင်၊ ဒီမိုကရေစီလှုပ်ရှားမှုရဲ့ ခေါင်းဆောင်၊ ဒီပုဂ္ဂိုလ်တွေ ဒီအဖွဲ့အစည်းတွေ ရွေးချယ်လိုက်တဲ့ ကနေ့ နိုင်ငံရေးလမ်းကြောင်းနဲ့ ပတ်သက်လို့ စိန်ခေါ်ခံရတဲ့ စိန်ခေါ်ခံချက်တစ်ခုဖြစ်တယ်လို့ ကျနော့်အနေနဲ့ မြင်တယ်။ ဒီဥစ္စာက အခုလို လွတ်ငြိမ်းချမ်းသာခွင့်နဲ့ပတ်သက်လို့ ထုတ်ပြန်လိုက်တဲ့ ထုတ်ပြန်ချက်က ဒေါ်အောင်ဆန်းစုကြည် ဒီကနေ့ ချမှတ်ခဲ့တဲ့လမ်းကြောင်း၊ ဒေါ်အောင်ဆန်းစုကြည်ရဲ့ နည်းလမ်းပေါ့၊ နည်းပရိယာယ် ဒါတွေကို ထိခိုက်စေတယ်လို့ ကျနော့်အနေနဲ့တော့ မြင်တယ်။ တပြိုင်နက်တည်းမှာလည်း ကနေ့ အုပ်ချုပ်နေတဲ့ပုဂ္ဂိုလ်တွေ ကိုယ်နှိုက်က သူတို့ အပြောင်းအလဲကို လုပ်ပါ့မယ်၊ အပြောင်းအလဲကို သွားပါ့မယ်လို့ ပြောနေတဲ့ သူတို့ပြောပြီးသားစကားတွေကို သူတို့ ပြန်ပြီးတော့ ရုပ်သိမ်းတဲ့သဘောဖြစ်သလို ကိုယ်နဲ့ ဆွေးနွေးဖော် ဆွေးနွေးဖက်၊ ကိုယ်နဲ့ လက်တွဲဖော် လက်တွဲဖက်တွေကို တဖက်က ပြန်ပြီးတော့ သိက္ခာချရာ ရောက်တယ်လို့ ကျနော့်အနေနဲ့ အဲဒီလို မြင်တယ်။ ဒီနေရာမှာတော့ တပ်ကပဲ ဝင်ရောက်စွက်ဖက်တာလား၊ ဒါမှမဟုတ်လို့ရှိရင် လက်ရှိ အုပ်ချုပ်နေတဲ့ သမ္မတကိုယ်နှိုက် သမ္မတ ဦးဆောင်တဲ့ အစိုးရအဖွဲ့ကိုယ်နှိုက်က ရှေ့ကို ဆက်တွန်းဖို့ကိစ္စမှာ တွန့်ဆုတ် တွန့်ဆုတ် ဖြစ်နေတာလား ဆိုတာတော့ နည်းနည်းဝေခွဲရခက်တယ်လို့ ကျနော် အဲဒီလိုပဲ ပြောချင်ပါတယ်။
VOA။ ။ ဟုတ်ကဲ့။ ဦးတင်မောင်သန်းအမြင်ကို သိချင်ပါတယ်။ ဒီ အပြောင်းအလဲအတွက် အာဏာပိုင်တွေဘက်မှာ တစုံတရာ သူတို့မှာ တွန့်ဆုတ်နေရတဲ့ တခြား အကဲစမ်းချက် ဘာရှိနိုင်လဲခင်ဗျာ့။
ဦးတင်မောင်သန်း။ ။ ပထမဆုံးကတော့ ဒီအပြောင်းအလဲတွေကို ကြည့်တဲ့အခါကျတော့ အကူးအပြောင်းက သဘောသဘာဝနှစ်မျိုး ရှိတယ်ခင်ဗျ။ တခုက အာဏာပိုင် အဖွဲ့အစည်းတွေကနေ ထိန်းချုပ်ပြီး ပြောင်းလဲတဲ့ အပြောင်းအလဲပေါ့လေ။ နောက်တစ်ခုကတော့ လက်ရှိအာဏာရှိနေတဲ့သူတွေ ပြုတ်ကျသွားပြီး ပြောင်းတဲ့ အပြောင်းအလဲပေါ့နော်။ ဆိုတော့ စီးပွားရေးအကြပ်အတည်း ရှိမယ်၊ လူထုအုံကြွမှုကြီး ဖြစ်မယ်၊ ပြုတ်ကျသွားမယ်။ ပြောင်းတယ်ဆိုလို့ရှိရင် ကိုယ့်သဘော ကိုယ့်လိုလားချက်၊ နိုင်ငံရေးလိုလားချက်တွေက အထက်စီးရပြီး ပြောင်းရတာမျိုး ဖြစ်ပါတယ်။ တကယ်လို့ အဲဒီလိုအပြောင်းအလဲ မဟုတ်ရင် တခြားနိုင်ငံတွေမှာ ဖြစ်တာကတော့ Control Transition လို့ ပြောတဲ့ အာဏာပိုင်တွေကနေ ထိန်းချုပ်တတ်တဲ့ အပြောင်းအလဲပါ။ ဒါကြောင့်မို့လို့ ကျနော်တို့က ဒီအပြောင်းအလဲကို ကြည့်တဲ့အခါမှာ ဒီအပြောင်းအလဲရဲ့ လူ့အဖွဲ့အစည်းထဲမှာ ကြုံနေရတဲ့ သဘောသဘာဝအရ ပိုပြီးတော့ ကျနော်တို့သိပ်ပြီး မျှော်လင့်လို့မရတဲ့ အဓိပ္ပာယ် ဆောင်ပါတယ်။ ဆိုလိုတာက ကျနော်တို့ စိတ်ဆန္ဒ ဘယ်လောက်ပဲရှိရှိ အကန့်အသတ်တွေ ရှိလိမ့်မယ်။ ဒီအချက်ကိုလည်း ဒေါ်အောင်ဆန်းစုကြည် မြင်တယ်လို့ ကျနော်ထင်ပါတယ်။ ဒါကြောင့်မို့လို့ ဒီအပြောင်းအလဲမှာ ခုနက ကျနော်တို့ရဲ့ သဘောသဘာဝအရကိုက ကြာမယ်။ လေးမယ်။ အဲဒီတော့ ဆိုလိုတာကတော့ လက်ရှိ ဖွဲ့စည်းပုံ အလုပ်ဖြစ်တဲ့ အနေအထားတခုကိုတော့ ရနိုင်တယ်။ အဲဒီအတွင်းထဲမှာ ကျနော်တို့ တခြားလုပ်စရာတွေ ဒီမိုကရေစီအကူးအပြောင်းမှာ အထောက်အကူပြုတဲ့ စီးပွားရေးဖွံ့ဖြိုးတိုးတက်မှုတို့ အုပ်ချုပ်ရေးကောင်းအောင် လုပ်တာတို့ နောက် တရားစီရင်ရေးစနစ်၊ rule of law တရားဥပဒေစိုးမိုးမှု ဖြစ်လာတာတို့၊ နောက်ပြီးတော့ ငြိမ်းချမ်းရေး ရှိလာတာတို့ အစရှိတဲ့ လုပ်ငန်းတွေကို ဖြည့်ဆည်းပေးခြင်းအားဖြင့် ဒီမိုကရေစီဖြစ်စဉ်က ပိုပြီးတော့လည်း မြန်နိုင်ပါတယ်။ တခြားနိုင်ငံတွေ အတွေ့အကြုံအရဆိုရင် အဲဒီဟာတွေ မရှိလို့ရှိရင် ဒီမိုကရေစီဖြစ်စဉ်က ပိုပြီးကြာတတ်ပါတယ်။ ဒါကြောင့်မို့ ကျနော်တို့မျှော်လင့်သလောက်တော့ သိပ်ပြီးမျှော်လင့်လို့ မရဘူးလို့ ကျနော်ကတော့ ဒီလိုပဲ နားလည်ပါတယ်။
VOA။ ။ ကျနော်တို့ လေလှိုင်းပေါ်မှာ နောက်တစ်ဦးရှိပါတယ်။ ကိုဖြိုးမင်းသိန်း ၈၈ မျိုးဆက်ကျောင်းသားတစ်ဦး ဖြစ်ပါတယ်။ ကိုဖြိုးမင်းသိန်းရေ ခုန ဆွေးနွေးခဲ့ကြတာမှာ လက်ရှိ အသွင်ကူးပြောင်းရေးအခြေအနေနဲ့ ပတ်သက်လို့ လက်ရှိ နိုင်ငံရေးပြုပြင်ပြောင်းလဲမှု လုပ်ငန်းတွေနဲ့ပတ်သက်လို့ အားမလို အားမရမှုတွေလည်း ရှိပါတယ်။ နှေးကွေးနေတယ်လို့ ယူဆတာတွေလည်း ရှိပါတယ်။ အဲဒီတော့ ဒီလိုအခြေအနေတွေက အားလုံး မျှော်မှန်းနေတဲ့ အခြေအနေအထိ မရောက်သေးတာ ဘယ်လိုအခက်အခဲ အကြန့်အကြာ ဘယ်လိုကြောင့်ယူဆပါလဲ ခင်ဗျ။
ကိုဖြိုးမင်းသိန်း။ ။ လက်ရှိ ကျနော်မြင်တဲ့ အခြေအနေကတော့ဗျာ ကျနော်တို့တိုင်းပြည်ရဲ့ စိန်ခေါ်မှုတွေဟာ အခုလက်ရှိ အခြေအနေမှာ အခြေအနေ ၄ ခုလောက် ရှိပါတယ်။ အဲဒီဟာကတော့ တစ်က နိုင်ငံရေး အကျဉ်းသားတွေအားလုံး ပြန်မလွတ်သေးတဲ့ကိစ္စက စိန်ခေါ်မှုတရပ် ဖြစ်နေပါတယ်။ နောက်တစ်ခုကတော့ ပြည်တွင်းစစ်ကြီး ဖြစ်နေတဲ့ကိစ္စပါ။ ပြည်တွင်းစစ် ပြဿနာကလည်း ကျနော်တို့တိုင်းပြည်မှာ စိန်ခေါ်မှုတရပ်လို ဖြစ်နေပါတယ်။ နောက်တစ်ခုတော့ ဆင်းရဲမွဲတေမှု ပြဿနာပါပဲ။ ကျနော်တို့တိုင်းပြည်မှာ ပြည်သူလူထုဟာ ဆင်းရဲမွဲတေမှု အကြပ်အတည်းကို ရင်ဆိုင်နေရတယ်။ ဒီအခက်အခဲကလည်း ကျနော်တို့အတွက် စိန်ခေါ်မှုတရပ် ဖြစ်တယ်။ ဒီ့အပြင် ပိုအရေးကြီးတာကတော့ ကျနော်တို့တိုင်းပြည်မှာ ဒီမိုကရေစီ စံချိန်စံညွှန်းတွေနဲ့ မကိုက်ညီဘူး၊ ပြည်သူလူထုအတွက် အကျိုးမဖြစ်ဘူး၊ တိုင်းပြည်အတွက် အခြေအနေကောင်းတွေ မဖြစ်နိုင်ဘူးဆိုတဲ့ ၂၀၀၈ ဖွဲ့စည်းပုံမှာပါတဲ့ အချက်အလက်တွေကို ပြုပြင်ရေးဆိုတာကတော့ အကြီးမားဆုံး စိန်ခေါ်မှုပါပဲ။
ဒီစိန်ခေါ်မှုတွေကို ဖြေရှင်းနိုင်ဖို့အတွက်ဆိုရင် ကျနော်တို့မှာ စစ်တပ်ခေါင်းဆောင်တွေက အခြေအနေတစ်ခုကို မှန်မှန်ကန်ကန် လက်ခံနိုင်ဖို့ လိုပါတယ်။ ဒီလိုလက်ခံနိုင်ဖို့ ဆိုတဲ့အခြေအနေမှာ ဥပမာ ဆင်းရဲမွဲတေမှုလို ပြဿနာမျိုး တကယ် ဆင်းရဲမွဲတေတယ်လို့ သူတို့လက်ခံရင် ဒါ အခြေအနေကောင်းပါ။ ဒီအခြေအနေကို ပြုပြင်ဖို့ ကျနော်တို့ လွယ်ကူနိုင်မှာပါ။ ဒီလိုပဲ နိုင်ငံရေးပြဿနာတွေအပေါ်မှာလည်း ဒီ နိုင်ငံရေးအကျဉ်းသားရှိတယ်ဆိုတာကို သူတို့ သိရင် လက်ခံရင် ဒီပြဿနာကို ဖြေရှင်းလို့ရပါတယ်။ ဒါကို လက်မခံဘူးဆိုရင်တော့ ဒီပြဿနာကို ဖြေရှင်းဖို့ နည်းနည်းခက်ခဲပါတယ်။ အခု ကျနော်တို့ တိုင်းပြည်မှာ ဖြစ်နေတဲ့ နိုင်ငံရေးအကျဉ်းသားကိစ္စဆိုရင် စစ်ခေါင်းဆောင်တွေက လက်မခံချင်တဲ့သဘော ရှိပါတယ်။ ဒါပေမယ့် ဒီအခြေအနေကို လက်ခံလာနိုင်ဖို့ လိုအပ်ပါတယ်။ ဒါကို ကျနော်တို့ဘက်ကလည်း ကြိုးစားဖို့ လိုပါတယ်။ ဒီလိုပဲ ကျနော်တို့ တိုင်းပြည်ရဲ့ ပြည်တွင်းစစ်မီး တောက်လောင်နေမှုကိစ္စကို ထာဝရငြိမ်းချမ်းရေးရအောင် လုပ်မယ်ဆိုတဲ့ စိတ်ကူးကတော့ မဆိုးပါဘူး။ ဒါကတော့ ကျနော်တို့ ဒီစိန်ခေါ်မှုကို ပြေလည်အောင် ဖြေရှင်းနိုင်လိမ့်မယ်လို့ ကျနော် ထင်တယ်။
၂၀၀၈ ဖွဲ့စည်းပုံအပေါ်မှာတော့ တပ်မတော်ဘက်ကသော်လည်းကောင်း၊ လက်ရှိ ကြံ့ခိုင်ဖွံ့ဖြိုးရေး အစိုးရကသော်လည်းကောင်း NLD ကို အခန်းကဏ္ဍတစ်ခု၊ အစိတ်အပိုင်းတစ်ခုမှာ အသုံးချဖို့ ကြိုးစားမယ်ဆိုတဲ့ စိတ်ကူးမျိုးဆိုရင်တော့ မအောင်မြင်နိုင်ပါဘူး။ ဒီနေရာမှာ ၂၀၀၈ ဖွဲ့စည်းပုံကို ပြင်ဆင်မယ်ဆိုတဲ့ အပိုင်းမှာလည်း တပ်မတော် ခေါင်းဆောင်တွေကိုယ်တိုင်က ဒီမိုကရေစီကို တည်ဆောက်မယ်၊ ဒီမိုကရေစီလမ်းကြောင်းပေါ်ကို ပြည်သူလူထုနဲ့အတူ ဒီမိုကရေစီပါတီတွေနဲ့အတူ တည်ဆောက်သွားမယ်ဆိုရင် ကျနော်တို့ စိန်ခေါ်မှုပြဿနာတွေ အားလုံးက ပြေလည်နိုင်ပါတယ်။ ဒီနေရာမှာ အဓိက သော့ချက်ကတော့ တပ်မတော်ခေါင်းဆောင်တွေရယ် လက်ရှိ စစ်ခေါင်းဆောင်ကနေ အသွင်ပြောင်းထားတဲ့ ကြံ့ခိုင်ရေးပါတီရဲ့ ခေါင်းဆောင်တွေပေါ့ဗျာ၊ စစ်ခေါင်းဆောင်တွေဟာ ဒီအခြေအနေတွေအပေါ်မှာ မှန်မှန်ကန်ကန် သုံးသပ်ပြီးတော့ တိုင်းပြည်ရဲ့စိန်ခေါ်မှုတွေကို အားလုံး ပူးပေါင်းဖြေရှင်းမယ်၊ အမျိုးသားရေးပြဿနာတရပ်အနေနဲ့ ဖြေရှင်းမယ်ဆိုတဲ့ စိတ်ကူးမျိုးရှိအောင် ကျနော်တို့ဘက်က ကြိုးစားဖို့လိုသလို စစ်ခေါင်းဆောင်တွေဘက်ကလည်း မှန်မှန်ကန်ကန် ဆုံးဖြတ်နိုင်ဖို့လိုလိမ့်မယ်လို့ ကျနော် ထင်ပါတယ်။
VOA။ ။ ဟုတ်ကဲ့။ ဒီဆွေးနွေးပွဲမှာ ဝင်ရောက်ဆွေးနွေး မေးမြန်းဖို့ဆိုပြီးတော့ သောတရှင်တယောက်ရှိပါတယ်။ ဦးကံအေး နော်ဝေးနိုင်ငံက။ ဦးကံအေး ဆွေးနွေးလို့ရပါတယ်။ မေးမြန်းချင်တယ်ဆိုရင်လည်း တာဝန်ရှိသူတွေ သက်ဆိုင်ရာပုဂ္ဂိုလ်တွေရှိပါတယ် မေးမြန်းလို့ရပါတယ်ခင်ဗျ။
ဦးကံအေး။ ။ ကျနော်အခု နည်းနည်းပြောချင်တာပေါ့လေ၊ ဒီမိုကရေစီလမ်းကြောင်းပေါ် တက်နေတာကို ကျနော် ရင်လေးပါတယ်။ မြင်ရတာ။ ဒါပေမယ့် အကောင်းဆုံးစနစ်တစ်ခုက ကျနော်မြင်တာတော့ ကျနော် တင်ပြပေးပါမယ်။ ကျနော့်ထက် ပညာတတ်တဲ့သူတွေ အများကြီးရှိပါတယ်၊ ကျွမ်းကျင်တဲ့သူတွေလည်း အများကြီးရှိပါတယ်။ ဒါကြောင့်မို့ ကျနော်ပြောချင်တာက အခု ဗမာပြည်မှာ ပြဋ္ဌာန်းထားတာက အခု ဖြစ်နေတဲ့ကိစ္စတွေက တိုင်းရင်းသားကိစ္စတွေပဲ။ တိုင်းပြည်တစ်ခုလုံးမှာ ဖြစ်နေတဲ့ကိစ္စတွေက ကျနော် မြင်ရတာပေါ့လေ။ အကုန်လုံး တိုင်းရင်းသားကိစ္စတွေ ဖြစ်နေတယ်။ ကျနော်တို့လိုချင်တာ စာအုပ်မှာလည်း ပြဋ္ဌာန်းထားတယ်၊ တိုင်းရင်းသားတွေ ချင်း၊ ကချင်၊ ကရင်၊ ကယား၊ ရှမ်း၊ မွန်၊ ရခိုင် ရှိတယ်ပေါ့ဗျာ။ အဲဒါဆို ကျနော်က တစ်ရုံးဖွင့်ခိုင်းချင်တာဗျ။ အဲလို ရုံးမျိုး ရှိမှသာလျှင် သူက ဒိုင်လူကြီးလိုမျိုး လိုက်လုပ်ပြီးတော့ ကျနော်တို့ နိုင်ငံကို ခေါင်းရှစ်လုံးနဲ့ စဉ်းစားပြီးတော့ ရှေ့ရေးကို စဉ်းစားပေးဖို့၊ ကျနော် စဉ်းစားတာပေါ့ဗျာ။ အဲဒီရုံးကဆိုရင် မြို့နယ်တိုင်းမှာရှိဖို့ လိုတယ်ပေါ့။ အရင်က ပါတီယူနစ်ရုံးလိုမျိုး။ အဲဒီမှာပါ အကုန်လုံး စနစ်တကျနဲ့ အကုန်လုံး အပေါ်နဲ့ အောက်နဲ့ မှားတဲ့ဥစ္စာ အကုန် ညှိနှိုင်းလို့ ရမယ်ထင်တယ်။ အခု အပေါ်ကနေ လုပ်တဲ့ဥစ္စာ အောက်က ဘာမှမသိရဘူး။ ဘာမှလုပ်လို့မရ ဖြစ်နေတယ်။ အဲဒါကြောင့် ကျနော်ပြောချင်တာက ရှစ်ရုံးဆိုရင် ဗမာပြည်မှာ မြို့နယ်ရှိမယ်ဆိုရင် တထောင်လောက်ရှိရင် မွန်ကလည်း တစ်ထောင်လောက် ရှိမယ်၊ ကရင်ကလည်း တစ်ထောင်၊ တစ်ထောင်စီ အားလုံး ရှစ်ထောင်ရှိမှာပေါ့ဗျာ။ ဗမာကလည်း ဗမာရွေးတင်၊ ကရင်ကလည်း ကရင် ရွေးတင်၊ ရှမ်းကလည်း ရှမ်းရွေးတင်။ ဥက္ကဌ ရှစ်ယောက်လောက် ထားပြီးမှ အဲဒီမှာ ပါလီမန်မှာ ဝင်ဆွေးနွေးဖို့အဆင့်ကို ထားရင်တော့ ပိုပြီးတော့ သင့်တော်မယ်လို့ ကျနော် ထင်တယ်လေ။ သူတို့က တကယ်ဆိုရင် သူတို့ ပင်လုံနဲ့ တက်လာတဲ့လူတွေချည်းပဲ။ ပင်လုံနဲ့ ဘဝကိုရင်းပြီးတော့ လူမျိုးတွေ အသက်ပေးပြီးတော့ သွားတဲ့လူတွေ အကုန်လုံး အသိုင်းအဝိုင်းပဲလေ။ အဲဒီလိုမျိုး တစ်ရုံးကို ထားပြီးမှပဲ အဲဒီလူတွေ ၀င်ဖြေရှင်းမှပဲ ကျနော်တို့နိုင်ငံကြီးက အေးဆေးတော့မယ်လို့ ကျနော် မြင်တာလေ။ မဟုတ်ရင် ဒီလိုမျိုးပဲသွားမယ်ဆိုရင် တောင်နဲ့မြောက်နဲ့ မြောက်နဲ့တောင်နဲ့ပဲ ဖြစ်သွားမယ်လို့ ကျနော် မြင်တယ်ပေါ့လေ။
VOA။ ။ ဟုတ်ကဲ့၊ ဦးကံအေး ကျေးဇူးတင်ပါတယ်။ ဒါက နော်ဝေးနိုင်ငံက ဦးကံအေး သူ့ရဲ့အမြင်ကို ဆွေးနွေးသွားတာ ဖြစ်ပါတယ်။
ကျနော် ဒီဆွေးနွေးပွဲ ပြန်ကောက်ချင်တာက ခုနက ကိုဖြိုးမင်းသိန်း ပြောသွားတဲ့အချက် တစ်ချက် တွေ့ပါတယ်။ အဓိက ကတော့ ဖွဲ့စည်းပုံနဲ့ ပတ်သက်ပါတယ်။ ၂၀၀၈ ဖွဲ့စည်းပုံကိစ္စပါ။ ၂၀၀၈ ဖွဲ့စည်းပုံက လက်ရှိသွားမယ့် နိုင်ငံရေး ပြုပြင်ပြောင်းလဲမှု လုပ်ငန်းစဉ်ထဲမှာ အကဲစမ်းချက်လို သူမြင်တယ်လို့ ယူဆပါတယ်။ ဒီနေရာမှာ အမျိုးသားဒီမိုကရေစီ အဖွဲ့ချုပ်ကလည်း သူ လွှတ်တော်ထဲဝင်တဲ့ ရည်ရွယ်ချက် တစ်ခုထဲမှာ ၂၀၀၈ ဖွဲ့စည်းပုံ ပြင်ရေးကိစ္စဆိုတာလည်း ပါတာ တွေ့ရပါတယ်။ ဒေါက်တာ မြတ်ဉာဏစိုး ဖြေနိုင်မယ် ထင်ပါတယ်ခင်ဗျ။ အဲဒါက လွှတ်တော်ထဲမှာ ဘယ်လောက်ထိ လက်တွေ့ကျမလဲခင်ဗျ။
ဒေါက်တာ မြတ်ဉာဏစိုး ။ ။ ၂၀၀၈ ဖွဲ့စည်းပုံက ဘယ်လောက် လွဲချော်နေသလဲဆိုတာ ပြည်ခိုင်ဖြိုးပါတီက ကိုယ်စားလှယ်တွေအများစု အသိဆုံးဖြစ်ပါတယ်။ ဘာဖြစ်လို့လဲဆိုတော့ ဒီကိုယ်စားလှယ်တွေ အများစုက အမျိုးသားညီလာခံကို ဖြတ်သန်းပြီးတော့ ဒီ ဖွဲ့စည်းပုံအခြေခံဥပဒေကို ဆွဲခဲ့တာပါ။ ဆွဲခဲ့တဲ့အခါမှာ ကျနော်တို့ ဒီ တပ်မတော်သား ၂၅ ရာခိုင်နှုန်းလို ဘာတို့လို အင်မတန်မှ အဓိကကျတဲ့ ပြင်ဆင်ဖို့အချက်တွေ မပြောပါနဲ့၊ ဥပမာ ပေးရရင်တော့ ကျနော်တို့ ကွန်ပြူတာ ပရိုဂရမ်တစ်ခုကို ဆွဲတယ်၊ ဆွဲပြီးတဲ့အခါကျတော့ မသုံးကြည့်ရသေးဘူးပေါ့နော်။ အခု တကယ်သုံးကြည့်တဲ့အခါကျတော့ error တွေ တက်လာသလိုပါပဲ။ ဖွဲ့စည်းပုံအခြေခံဥပဒေမှာ ရှေ့နောက် မညီညွတ်တာတွေရော အများကြီး ရှိနေပါတယ်။ ဒါကတော့ ပြင်ကို ပြင်မှ ဖြစ်မယ်ဆိုတဲ့ အနေအထားမျိုးကတော့ အားလုံး လက်ခံနိုင်လိမ့်မယ်လို့ ထင်ပါတယ်။ သို့သော်လည်း ပြင်ဖို့ကို ဝန်လေးနေကြတယ်။ နောက်ပြီးတဲ့အခါကျတော့ လက်နဲ့ရေးခဲ့တာကို ခြေနဲ့ဖျက်သလိုများ ဖြစ်မလားဆိုတဲ့ မဝံ့မရဲ စိတ်တွေနဲ့ ဖြစ်နေကြတာတွေကို ကျနော်တို့က ပြည်သူ့မျက်နှာကိုပဲ ရှေ့ရှုပြီးတော့ ဒို့ကတော့ တကယ် ပြည်သူ့အတွက် တကယ်အလုပ်လုပ်မယ်ဆိုရင် ပြည်သူ့ကိုယ်စားလှယ်အစစ်တွေ ဖြစ်တယ်ဆိုရင် ကဲ ရဲရဲဝံ့ဝံ့ ပြင်ကြစို့ဟေ့ ဆိုပြီးတော့ လုပ်ဆောင်ဖို့ လိုအပ်ပြီလို့ ကျနော်ကတော့ ပြောချင်ပါတယ်။
VOA။ ။ ဟုတ်ကဲ့။ ဒါကတော့ လွှတ်တော်တွင်းကိစ္စပေါ့၊ ၂၀၀၈ ဖွဲ့စည်းပုံနဲ့ ပတ်သက်လို့။ လွှတ်တော် မဟုတ်တဲ့ ပြင်ပကရော ဘာတွေများ လုပ်နိုင်မလဲ။ ဦးအောင်မိုးဇော်အမြင်ကို သိချင်ပါတယ်ခင်ဗျ။
ဦးအောင်မိုးဇော်။ ။ အခြေခံအားဖြင့်တော့ လွှတ်တော်ပြင်ပပေါ့ အထူးသဖြင့်တော့ ကျနော်တို့ civil society တွေရှိမယ်၊ အသင်းအပင်း သမဂ္ဂတွေရှိမယ် စသဖြင့် ဒီအင်အားစုတွေ တရားဝင် ခိုင်ခိုင်မာမာ တည်ရှိလာနိုင်တဲ့ အခြေအနေတော့ ရှိဖို့လိုဦးမယ်လို့ ကျနော် ထင်ပါတယ်။ အဲဒီအခြေအနေအောက်မှာမှ ဒီ တည်ဆဲဥပဒေနဲ့ ပတ်သက်လို့ ထောက်ပြတာတွေ၊ တည်ဆဲဥပဒေတွေကို ပြင်ဆင်ဖို့ တောင်းဆိုတာတွေ၊ တပြိုင်နက်တည်းမှာပဲ ဖွဲ့စည်းအုပ်ချုပ်ပုံ အခြေခံဥပဒေအရ ကိုယ်နှိုက်က တန်းတူညီမျှမှု ကင်းမဲ့တာတွေ ဖိနှိပ်ခံနေရမှုတွေ ဒါတွေကို ထောက်ပြပြီးတော့ ဖွဲ့စည်းအုပ်ချုပ်ပုံ အခြေခံဥပဒေကို ပြင်ဆင်ရေး လှုပ်ရှားမှုပေါ့ဗျာ။ ဒီလို လှုပ်ရှားမှုကို လွှတ်တော်ပြင်ပမှာ လုပ်လို့ရနိုင်တဲ့ အခြေအနေ ရှိတယ်လို့ ကျနော့်အနေနဲ့ ယူဆပါတယ်။ သို့သော်လည်းပဲ အသင်းအပင်းဖွဲ့စည်းခွင့်တွေကိုယ်နှိုက်က ကနေ့အခြေအနေမှာ အကန့်အသတ်တွေ ရှိနေသေးတာဖြစ်တယ်။ ဒါ့ကြောင့်လည်းပဲ ကနေ့ကာလ ခုန အပြောင်းအလဲလို့ ပြောဆိုနေတဲ့ ကိစ္စတွေ အပေါ်မှာ တစုံတရာ ဒီ အပြောင်းအလဲလို့ လက်ခံဖို့ ခက်ခဲတဲ့အနေအထား ဖြစ်တာ ဖြစ်တယ်။ ဒီမိုကရေစီ အသွင်ကူးပြောင်းရေးကာလအဆင့်ကို မတက်လှမ်းနိုင်သေးဘူးလို့ ကျနော်တို့မြင်နေတာဖြစ်တယ်လို့ ကျနော့်အနေနဲ့ ပြောချင်ပါတယ်။ အခုက လွှတ်တော်ပြင်ပ အင်အားစုတွေဖြစ်တဲ့ လူထုလူတန်းစား အသင်းအဖွဲ့တွေ နောက် လှုပ်ရှားမှုတွေက တဆင့် ခုန ကိုမြတ်ဉာဏစိုး ပြောသွားသလိုပဲ ဧရာဝတီလှုပ်ရှားမှုလိုမျိုး၊ ပြည်တွင်းစစ် ရပ်စဲရေးလှုပ်ရှားမှုတွေ၊ နိုင်ငံရေးအကျဉ်းသား လွှတ်ပေးရေး လှုပ်ရှားမှုတွေ ဒီလှုပ်ရှားမှုတွေကို လက်ရှိအစိုးရက တစုံတရာ သည်းခံလာတယ်ဆိုလို့ရှိရင်တော့ ကျနော်တို့ ဒီအပြောင်းအလဲ ဖြစ်နိုင်ချေရှိတဲ့အခြေအနေက ပိုပီပြင်လာတယ်လို့ ပြောလို့ရမှာပေါ့။
VOA။ ။ သောတရှင်နောက်တဦးက ဒီဆွေးနွေးပွဲအတွက်ဆိုပြီးတော့ သူ့ အသံဖိုင် ပေးပို့ထားတာ ရှိပါတယ်။
ဦးဖိုးသောင်။ ။ မြန်မာနိုင်ငံ ဒီမိုကရေစီ အသွင်ကူးပြောင်းရေးမှာ အစပျိုးနေပြီလို့တော့ ပြောနိုင်ပေမယ့် အစိုးရနဲ့ အတိုက်အခံဘက်မှာပါ စိန်ခေါ်မှုတွေ ရှိနေပါတယ်။ မြန်မာပြည်ရဲ့ ဒီမိုကရေစီ ရရှိရေးပုံစံက အစိုးရကလည်း စစ်အာဏာရှင်စနစ်နဲ့ ဆက်ပြီးသွားလို့မရနိုင်တော့တဲ့ အခြေအနေမျိုးဖြစ်သလို အတိုက်အခံကလည်း စစ်အာဏာရှင်အစိုးရကိုရော ယနေ့ စစ်ဦးစီး အရပ်သားအစိုးရကိုပါ နိုင်အောင် မတိုက်နိုင်ခဲ့ကြပါဘူး။ ဒီတော့ နှစ်ဖက်စလုံးက ပြည်ပကို အားကိုးလာကြရတဲ့ အခြေအနေမျိုးပါ။ ကြွယ်ဝချမ်းသာပြီး အာဏာလက်ရှိ စစ်ဗိုလ်ချုပ်တွေက သူတို့မှာ ရှိမြဲစည်းစိမ်တွေနဲ့အတူ သူတို့ ဆက်လက်ပြီး ရင်းနှီးမြှုပ်နှံ လုပ်ကိုင်ကြမည့် စီးပွားရေး လက်ဝါးကြီးအုပ် လုပ်ငန်းတွေကို အာမခံပေးနိုင်မယ့် အင်အားကြီး နိုင်ငံကြီးများနှင့် အပေးအယူလုပ်လို့ရရင် သူတို့ရဲ့ နိုင်ငံရေးပါဝါကို တဖြည်းဖြည်းလျှော့ချပြီး ဒီမိုကရေစီကို နည်းနည်းချင်းပေးမယ့်သဘောပါပဲ။ အဲဒါကို အင်အားကြီးနိုင်ငံတွေက လက်ခံနိုင်မှု ရှိ မရှိ ဆိုတဲ့ စိန်ခေါ်ချက်နဲ့ ယနေ့ လက်ရှိအစိုးရက ရင်ဆိုင်နေရတာပါ။ အင်အားအကြီးဆုံး အတိုက်အခံဖြစ်တဲ့ NLD ကတော့ အစိုးရသစ်ရဲ့ တဖြည်းဖြည်းချင်း ဒီမိုကရေစီပေးမယ်နဲ့ သူတို့ မတရားပိုင်ဆိုင် ရယူထားသည်များအပေါ် အသိအမှတ်ပြု လိုက်လျောနိုင်ပါမည်လား။ ဒါမှမဟုတ် ပြည်သူလူထုရဲ့အားနဲ့ ပြည်ပနိုင်ငံကြီးတွေ၏ အကူအညီကို ရယူပေါင်းစပ်ပြီး ဒီမိုကရေစီကို မနှောင့်နှေးစေဘဲ အချိန်ကိုက် ရယူပေးနိုင်ပါမည်လားဆိုတဲ့ စိန်ခေါ်ချက်နဲ့ ရင်ဆိုင်နေရတယ်လို့ပဲ ကျနော် ထင်မြင်မိကြောင်းပါ။ ကျနော် ဦးဖိုးသောင် နော်ဝေးကပါ။
VOA။ ။ ဒါကတော့ ဦးဖိုးသောင်ရဲ့အမြင်ဖြစ်ပါတယ်။ ကိုဖြိုးမင်းသိန်း ကြားမယ်ထင်ပါတယ်။ သူကတော့ နှစ်ဖက်လုံးမှာ အခက်အခဲရှိတယ်။ ဒါပေမယ့် ဒီအခက်အခဲတွေက ဘာလဲဆိုတဲ့ သူ့ရဲ့အမြင်ကို ပြောသွားပါတယ်။ ကိုဖြိုးမင်းသိန်း ဒါနဲ့ပတ်သက်လို့ ဘာများ ဆွေးနွေးလိုပါသလဲ။
ဖြိုးမင်းသိန်း။ ။ အသွင်ကူးပြောင်းရေး ကာလတစ်ခုမှာ ဖြစ်တတ်တဲ့ သဘောသဘာဝတွေကို ကျနော် ပြောချင်ပါတယ်။ ဒီနေရာမှာ ပထမ ဆွေးနွေးသွားသလိုပေါ့ဗျာ၊ နှစ်ဖက် မနိုင်လို့ အခုလို လုပ်ရတယ်ဆိုတဲ့ သဘောမျိုးထက်စာရင် ကျနော်တို့က win-win ပေါ့ နှစ်ဖက်စလုံးက ပူးပေါင်းပြီးတော့ အောင်နိုင်မှုကို ကြိုးစားတယ်ဆိုတဲ့ အဖြေမျိုးကို ကျနော်တို့ ထွက်ချင်ပါတယ်။ ဒါက ကျနော်တို့တိုင်းပြည်ရဲ့ အမျိုးသားပြန်လည်သင့်မြတ်ရေးကိုလည်း ရှေ့ရှုနိုင်မယ်၊ ကျနော်တို့တိုင်းပြည်မှာ ဖြစ်နေတဲ့ စိန်ခေါ်မှုတွေကိုလည်း ကျနော်တို့ ဖြေရှင်းသွားနိုင်လိမ့်မယ်လို့ ကျနော်ထင်ပါတယ်။ ဒီနေရာမှာ ကျနော်တို့ဟာ ဘက်အမြင်မထားဘဲ ကျနော်တို့ တိုင်းပြည်မှာရှိတဲ့ ပြည်သူလူထုအားလုံးဆိုတဲ့ သဘောထားအပေါ်မှာ ကျနော်တို့ ဒီမိုကရေစီလိုလားသူတွေ၊ တပ်မတော်၊ ဒီ civil society အဖွဲ့အစည်းတွေ အားလုံးဟာ အခုကာလက ဒီမိုကရေစီ ခေတ်တခေတ်မှာ နိုင်ငံရေးပါတီတွေ အားပြိုင်တဲ့ကာလမဟုတ်ဘဲ အသွင်ကူးပြောင်းရေးကာလတခုကို ဆောင်ရွက်ရတဲ့အချိန်မှာ အသွင်ကူးပြောင်းရေးလုပ်ငန်းတွေကို လုပ်ချင်တဲ့သူတွေနဲ့ အပြောင်းအလဲကို လုပ်ရမှာကို စိုးရိမ်နေတဲ့လူတွေကြားမှာ ဖြစ်ပေါ်နေတဲ့ အခြေအနေတွေ ရှိပါတယ်။ ဒီအခြေအနေတွေအပေါ်မှာ ကျနော်တို့ဟာ ဘုံတူညီနိုင်တဲ့ သဘောထားတရပ် ရှိသင့်ပါတယ်။ ဒီဥစ္စာကတော့ တိုင်းပြည်ကို ကောင်းအောင်လုပ်မယ်။ ဒီကောင်းအောင် လုပ်မယ်ဆိုတဲ့ အချက်အလက်တွေဟာ တကယ်ကို မှန်မှန်ကန်ကန် ပြုပြင်ပြောင်းလဲသင့်တယ်ဆိုတဲ့ အချက်အလက်တွေကို လူထုခေါင်းဆောင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ လက်ရှိ တပ်မတော်ခေါင်းဆောင်တွေ၊ ကြံ့ခိုင်ဖွံ့ဖြိုးရေးခေါင်းဆောင်တွေဟာ ညှိနှိုင်းပြီးတော့ ရှေ့ကို ပူးပေါင်းဆောင်ရွက်ပြီး ပြောင်းလဲနိုင်တဲ့ အခြေအနေသစ်တွေကို ကြိုးပမ်းဖို့ လိုအပ်ပါတယ်။
ဒီလို မဟုတ်ဘဲနဲ့ ကျနော်တို့ ဒီမိုကရေစီအင်အားစုဘက်ကတော့ အကောင်းဘက်ကို ဘယ်လောက်ပဲ ရှေးရှုနေသော်ငြားလည်း တဖက်က တစ်ခုခုကို သုံးဖို့ စဉ်းစားနေမယ်ဆိုရင် ပြေလည်မှုတွေ မရနိုင်ပါဘူး။ ဒီလို မဖြစ်ဖို့အတွက်ဆိုရင် တူညီတဲ့ စိတ်စေတနာရှိအောင် ကျနော်တို့ဟာ အခြေအနေသစ်တရပ်ကို ရောက်အောင် တစ်ယောက်က တွန်းအားပေးတဲ့သူကလည်း ပေးမယ်၊ ဆွဲခေါ်သင့်တဲ့လူကလည်း ခေါ်မယ်ဆိုတဲ့ အစီအစဉ်မျိုးတွေနဲ့ တဖြည်းဖြည်းပြောင်းလဲမှုကို ရှေးရှုသွားသင့်တယ်လို့ ကျနော် ပြောချင်ပါတယ်။
VOA။ ။ ဟုတ်ကဲ့ ကျနော် ဦးတင်မောင်သန်းကို မေးချင်ပါတယ်။ လက်ရှိ အပြောင်းအလဲတွေကတော့ နှေးကောင်း နှေးသွားနိုင်တယ်။ ဒီလိုမျိုး နှေးသွားမယ်ဆိုရင် အားမလို အားမရမှုတွေ နှစ်ဖက်စလုံးမှာ ရှိမှာပဲ။ အစွန်းရောက်မှုတွေ ပေါ်ထွက်လာနိုင်တယ်။ ဒီလိုမျိုး အစွန်းရောက်မှုတွေက လက်ရှိ သွားနေတဲ့ process ကို သွားပြီးတော့ မထိခိုက်သွားနိုင်ဘူးလား။ ဘယ်လို မြင်လဲခင်ဗျ။
ဦးတင်မောင်သန်း။ ။ ယေဘူယျ တခြားနိုင်ငံတွေ ဖြစ်ကြတာကတော့ အဆင့်တဆင့်မှာ အခု လက်ရှိ ဖြတ်သန်းတဲ့ အဆင့်တဆင့် ငြိမ်းငြိမ်းချမ်းချမ်းလေးနဲ့ ဖြတ်သန်းမယ်၊ စီးပွားရေး ဖွံ့ဖြိုးတိုးတက်မှုရအောင် လုပ်မယ်၊ အုပ်ချုပ်မှုကောင်း ဖြစ်အောင်လုပ်မယ်။ တရားဥပဒေစိုးမိုးမှု အတော်အတန် ရှိလာအောင် လုပ်မယ်။ ဒါပေမယ့် ခုနပြောတဲ့ ဖွဲ့စည်းပုံကိစ္စကို မကိုင်နိုင်တဲ့အတွက်ကြောင့်မို့လို့ အီနေတဲ့ ကာလတစ်ခုကတော့ ဖြစ်နေမှာပေါ့နော်၊ နိုင်ငံရေးအရ။ ဆိုတော့ ခုနက ကိုအောင်မိုးဇော် ပြောသလိုပဲ ပါလီမန်ပ လှုပ်ရှားမှုတွေကလည်း တဖြည်းဖြည်းများလာမယ်ဆိုလို့ရှိရင်တော့ တကယ်လို့ စောစောက ကိုဖြိုးမင်းသိန်း ဆွေးနွေးသလို တပ်မတော်နဲ့ နိုင်ငံရေးပါတီခေါင်းဆောင်တွေကြားထဲမှာ မတူတဲ့အုပ်စုတွေ အသီးသီးကြားထဲမှာ မြန်မာနိုင်ငံရဲ့ ဒီမိုကရေစီလမ်းကြောင်း တပ်မတော်ကို ဘယ်လို ဆုတ်သွားမယ်ဆိုတဲ့ဟာကို အချိန်ဇယားတရပ်အနေနဲ့ သဘောတူညီမှု တရပ်ပေါ့နော် ကျနော်ထင်တယ် လောလောဆယ်မှာတော့ မရနိုင်ဘူး။ ၂၀၁၅ ကျလို့ရှိရင် အဲဒီနောက်ပိုင်းမှာ ရနိုင်မယ်ဆိုလို့ရှိရင်တော့ ဒါ ငြိမ်းချမ်းစွာ အသွင်ကူးပြောင်းရေးဖြစ်တယ်။ မဟုတ်ဘူးဆိုလို့ရှိရင် တခြားနိုင်ငံတွေ အတွေ့အကြုံအရပြောရရင်တော့ လူထုအုံကြွမှုကြီး ဖြစ်ပြီးတော့မှဘဲ ပဋိပက္ခ နည်းနည်းပြင်းပြင်းနဲ့ ပြောင်းရမယ့် သဘော။ ဒါကတော့ တခြားနိုင်ငံတွေရဲ့ အဆင်အတိုင်း ကြည့်လို့ရှိရင် အဲဒီလိုပဲ ဖြစ်လိမ့်မယ်လို့ ထင်ပါတယ်။
VOA။ ။ ဟုတ်ကဲ့ ဦးတင်မောင်သန်း အမြင်ကရော ဘယ်လိုရှိလဲ။ လက်ရှိ ပြောင်းလဲမှု အရှိန်က နှေးနေတယ်လို့ မြင်လား၊ နှေးနေတယ်ဆိုလို့ရှိရင် တခြား impact တွေ ရှိမလာနိုင်ဘူးလား။
ဦးတင်မောင်သန်း။ ။ ပထမတစ်ချက် နိုင်ငံရေးအပြောင်းအလဲကတော့ နှေးနေလိမ့်မယ်။ ဒါပေမယ့်လို့ စီးပွားရေးဖွံ့ဖြိုးတိုးတက်မှုတို့၊ အုပ်ချုပ်မှုကောင်း ဖြစ်ဖို့တို့၊ နောက် တရားစီရင်ရေး အပြောင်းအလဲတွေပေါ့နော် အစရှိတဲ့ နယ်ပယ်တွေမှာ ပိုပြီး အာရုံစိုက်တဲ့ ပြောင်းလဲမှုတွေကတော့ ဒါ ဒေါ်အောင်ဆန်းစုကြည်နဲ့ အစိုးရကြားမှာ နားလည်မှုတွေ အများကြီးရနိုင်တယ်လို့ ကျနော်ထင်တယ်။ ဒါပေမယ့် ဖွဲ့စည်းပုံအခြေခံဥပဒေကို သွားပြီးထိမယ် အထူးသဖြင့် တပ်မတော်ပါဝင်တဲ့ အခန်းကဏ္ဍဆိုရင်တော့ အဲဒီလောက်ထိ တပ်မတော်ခေါင်းဆောင်ပိုင်း အာဏာရပုဂ္ဂိုလ်ပိုင်းက အဆင်သင့်ဖြစ်ပြီလား၊ ကျနော်တော့ သိပ်မထင်ဘူးခင်ဗျာ့။
VOA။ ။ ဟုတ်ကဲ့ ကျနော် ဒေါက်တာမြတ်ဉာဏစိုးကို မေးချင်ပါတယ်။ မကြာခင်မှာလည်း လွှတ်တော် session တွေ ပြန်စတော့မှာဆိုတော့ အပြောင်းအလဲတွေ အခု ဒီနှစ်ထဲမှာ မြန်မြန်ဆန်ဆန် ဖြစ်နိုင်အောင် လွှတ်တော်ထဲ ကရော ဘယ်လောက်အထိ ဦးဆောင် ဆောင်ရွက်နိုင်မယ့် အလားအလာ ရှိသလဲ ခင်ဗျာ့။
ဒေါက်တာမြတ်ဉာဏစိုး။ ။ မကြာခင် ပြန်စမယ့် တတိယအစည်းအဝေးမှာဆိုရင်တော့ တော်တော်ထူးခြားမှုတစ်ခုနဲ့ ကြုံတွေ့ရမှာပါ။ ဘာဖြစ်လို့လဲဆိုတော့ ကျနော်တို့ Budget law ကို ဆွဲရမှာ မို့လို့ပါ။ အဲဒီတော့ ဒီ Budget ကို ကျနော်တို့နိုင်ငံအနေနဲ့က လွန်ခဲ့တဲ့ နှစ်ပေါင်း ၅၀ အထိလောက်မှာ ပါတီတစ်ခုတည်းကပဲ ဦးဆောင်ပြီးတော့ နိုင်ငံတော်ရဲ့ ဝင်ငွေကိုလည်း မသိဘူး။ expenditure ဘယ်လောက် သုံးတယ်ဆိုတာလည်း မသိဘူး။ ဒီလိုပဲ ဆွဲခဲ့တဲ့ အနေအထားမျိုးကိုလည်း ဖြတ်သန်းပြီးပြီ။ ပြီးတဲ့အခါကျတော့ ကျနော်တို့ ဒီ စစ်ခေါင်းဆောင်တချို့ကပဲ အမိန့်အာဏာနဲ့ လူတစုကပဲ ရေးဆွဲပြီးတော့ ကျနော်တို့ ဖြတ်သန်းခဲ့ပြီးပြီ။ အခုအခါမှာတော့ လွှတ်တော်ကို ဒါ တင်ရတော့မယ်ပေါ့၊ တင်ပြရတော့မယ်။ ပြရတော့တဲ့အခါကျရင် အဲဒီအချိန်ကျရင် ဒါ ကျနော်တို့ လွှတ်တော် ကိုယ်စားလှယ်တွေရဲ့ ပကတိ စိတ်ရင်းကတော့ ပေါ်လာမှာပဲ။ လိုအပ်နေတဲ့ ကဏ္ဍတွေဖြစ်တဲ့ ကျန်းမာရေးတို့၊ ပညာရေးတို့ ကဏ္ဍတွေမှာ အသုံးစရိတ်တွေ တိုးမြှင့်သုံးစွဲဖို့ကို ဒါကို ရဲရဲဝံ့ဝံ့ပေါ့နော် ဘယ်ပါတီကပဲ လာလာ တကယ်ပြည်သူအတွက် ရှေးရှုပြီးတော့ ပြောနိုင်မလား၊ ဆိုနိုင်မလား နောက် မဲခွဲပြီးတော့ ဆုံးဖြတ်တဲ့အခါကျရင်ကော ကိုယ့်ရဲ့ ရင်ထဲက ဆုံးဖြတ်ချက် အမှန်ကို ဘယ်သူ့ကိုမှ မကြောက်မရွံ့ဘဲနဲ့ ပြည်သူ့ဘက်ကပဲ ရပ်တည်ပြီးတော့ ပြောနိုင်မလားဆိုတဲ့ အရည်အချင်း အစစ်အမှန်တွေကို ကျနော်တို့ တွေ့လာရမှာပေါ့လေ။ ဒါကြောင့်မို့လို့ ဒီလွှတ်တော်က ဘယ်လောက် ပြောင်းလဲမှုကို ဖော်ဆောင်နိုင်မလဲဆိုတာ လွှတ်တော်ထဲမှာရှိနေတဲ့ လူတွေရဲ့ စိတ်ရင်းစေတနာအမှန်က အရေးအကြီးဆုံးလို့ ကျနော်ကတော့ ပြောချင်ပါတယ်ခင်ဗျာ့။
VOA။ ။ ဟုတ်ကဲ့၊ ကျနော် ဦးအောင်မိုးဇော်ကို တဆက်တည်း မေးလိုက်ချင်ပါတယ်။ ခုန လွှတ်တော်နဲ့ ပတ်သက်လို့ကတော့ ဒေါက်တာမြတ်ဉာဏစိုး ရှင်းပြသွားပါတယ်။ ဒါပေမယ့် လွှတ်တော်ဆိုတာက ပြည်သူတွေရဲ့ ကိုယ်စားလှယ်တွေ တကယ်စုထားတဲ့ နေရာကိုး။ အဲဒီတော့ ဦးအောင်မိုးဇော်ရဲ့ အမြင်ကို သိချင်ပါတယ်။ လက်ရှိ ပြုပြင်ပြောင်းလဲရေး လုပ်နေတဲ့အခါမှာ လွှတ်တော်ထဲမှာသွားနေတဲ့ flow ပေါ့ လက်ရှိ သွားနေတဲ့အပေါ် ဘယ်လောက်ထိ အားရကျေနပ်မှုရှိလား လိုအပ်ချက်တွေရှိလား ဘယ်လိုမြင်ပါသလဲ။
ဦးအောင်မိုးဇော်။ ။ ကျနော့်အထင်အရ ပြောမယ်ဆိုလို့ရှိရင် လွှတ်တော်ထဲမှာ တစုံတရာ ပြောတာဆိုတာတွေလည်း ရှိလာကောင်း ရှိလာနိုင်ပါတယ်။ သို့သော် လွှတ်တော်ထဲမှာ ခိုင်ခိုင်မာမာပေါ့ အဓိကကျတဲ့ ဥပဒေတွေ အဓိကကျတဲ့ ပြင်ဆင်မှုတွေကို လုပ်နိုင်ဖို့အတွက်ကို ခိုင်ခိုင်မာမာရပ်ခံပြီးတော့ ပြောမယ့်ဆိုမယ့် လူတွေ များများလိုတယ်လို့ ကျနော့်အနေနဲ့ ပြောချင်ပါတယ်။ ဒါ တစ်ခုပါ။ ဒါကြောင့်လည်းပဲ ဒေါ်အောင်ဆန်းစုကြည်ကိုယ်နှိုက်က လွှတ်တော်ထဲကတဆင့်သွားဖို့ လွှတ်တော်ထဲကတဆင့် အပြောင်းအလဲကို တွန်းဖို့အတွက်ကို တွန်းလို့ရှိရင် ရနိုင်တဲ့အခြေအနေ ရှိနိုင်တယ်ဆိုပြီးတော့ ဆုံးဖြတ်တာ ဖြစ်ကောင်း ဖြစ်နိုင်ပါတယ်။ ဒါက တစ်ချက်ပါ။
ဒုတိယ တစ်ချက် ဆက်ပြီးတော့ ပြောချင်တာကတော့ အခု အပြောင်းအလဲကာလ အပြောင်းအလဲကာလလို့ ပြောနေတာ တွေရှိလာတယ်။ ခုန ကိုသားတို့လည်း ပြောနေတယ်၊ နောက် ဒီမိုကရေစီအသွင်ကူးပြောင်းရေးကာလ ဆိုတာ။ ဒီကိစ္စနဲ့ပတ်သက်လို့ ကျနော်နည်းနည်းလေး ဖြည့်ပြောခွင့် ပြုပါ။ ဒီကနေ့ကာလက ကျနော်တို့မြင်တဲ့ အမြင်ကတော့ ကျိန်းသေတယ် ဒီမိုကရေစီအသွင်ကူးပြောင်းရေးကာလ မဟုတ်သေးဘူး။ အဲဒီအဆင့်ကို ရောက်ကို မရောက်သေးဘူး ဖြစ်တယ်လို့ ကျနော့်အနေနဲ့ ပြောချင်ပါတယ်။ ဒုတိယတစ်ချက်က ခုန ဦးတင်မောင်သန်း ပြောသွားသလိုပဲ တကယ်တန်းကျတော့ ကနေ့ကာလ လုပ်ခွင့်ကိုင်ခွင့်တွေ နည်းနည်းပါးပါး ရှိလာတဲ့ကိစ္စတွေက အစိုးရကိုယ်နှိုက်က ဦးဆောင်ပြီးတော့ တချို့အချက်အလက်တွေကို စလျှော့ပေးလာတဲ့ အနေအထားဖြစ်တယ်လို့ ကျနော့်အနေနဲ့ ပြောချင်တယ်။ အဲဒီအဆင့်မှာဘဲ ရှိသေးတယ်။ ကျနော်တို့ ဒီမိုကရေစီ အသွင်ကူးပြောင်းရေးကာလကို မတက်သေးဘူး ဖြစ်တယ်။
အဲတော့ ဒီအဆင့်ကနေ နောက်တစ်ဆင့်ကို တက်နိုင်ဖို့အတွက်ကို ခုန ရထားတဲ့ လွှတ်တော်ထဲက space တွေကိုပဲ ဖြစ်ဖြစ် လွှတ်တော် ပြင်ပက space တွေကိုပဲ ဖြစ်ဖြစ် ဘယ်လောက် အသုံးချနိုင်မလဲဆိုတဲ့ စိန်ခေါ်မှုက ကျနော်တို့ ဒီမိုကရေစီအင်အားစုတွေအပေါ်မှာ ကြီးတယ်လို့ ကျနော့်အနေနဲ့ ကျနော်ပြောချင်ပါတယ်။
VOA။ ။ ဟုတ်ကဲ့။ ကျနော် ဦးတင်မောင်သန်းကို နောက်ဆုံးမေးချင်ပါတယ်။ ဦးတင်မောင်သန်း ဘယ်လိုမြင်လဲ မသိဘူး။ ဒီမှာ မေးချင်တာက အဓိကအတိုက်အခံတွေဘက်က အခန်းကဏ္ဍပေါ့။ လက်ရှိသွားနေတဲ့ ပြုပြင် ပြောင်းလဲရေးလုပ်ငန်းစဉ်ထဲမှာ အတိုက်အခံတွေဘက်မှာ ခုန အကဲစမ်းချက်ရှိသလို အားသာချက် အတိုက်အခံတွေဘက်က ဘာလုပ်နိုင်လဲ၊ ဒီနေရာမှာ ဘယ်လို role အနေနဲ့ ရှိနေသလဲဆိုတဲ့ အမြင်၊ ဦးတင်မောင်သန်း အမြင်ကို သိချင်ပါတယ်။
ဦးတင်မောင်သန်း။ ။ အခုလောလောဆယ်မှာ ပွင့်တာတော့ ပါလီမန်အတွင်း လှုပ်ရှားမှုပေါ့။ ပါလီမန်အတွင်း လှုပ်ရှားမှုက အခုကနေ ၂၀၁၅ အတွင်းထဲမှာ တစုံတရာရှိမယ်ပေါ့လေ။ ဒေါ်အောင်ဆန်းစုကြည်ရဲ့ အားသာမှုပေါ့။ သူ့ရဲ့ ဆွဲဆောင်စည်းရုံးနိုင်အားပေါ့၊ ခုန တပ်မတော်ပါဝင်လာတဲ့အထိ မသွားနိုင်ရင်တောင်မှပဲ ပြုပြင်ပြောင်းလဲရေးတွေကို အထောက်အပံ့ပြုတဲ့ဟာတော့ ဒေါ်အောင်ဆန်းစုကြည် လုပ်နိုင်လိမ့်မယ်လို့ ထင်တယ်။ ဒီမိုကရေစီထောင့်က ပြောရလို့ရှိရင် ဒီမိုကရေစီပြောင်းလဲရေးကို အထောက်အကူပြုတဲ့ စီးပွားရေး ဖွံ့ဖြိုးတိုးတက်မှု၊ အုပ်ချုပ်မှုကောင်းဖြစ်ရေး၊ တရားဥပဒေစိုးမိုးရေး၊ ငြိမ်းချမ်းရေး ဒါတွေကိုတော့ ဒေါ်အောင်ဆန်းစုကြည် လုပ်နိုင်လိမ့်မယ်လို့ထင်တယ်။ တပ်မတော် ပါလာဖို့ကတော့ အချိန်များ စောင့်ရဦးမလား မသိဘူး။
VOA။ ။ တခြား အတိုက်အခံပါတီတွေ အနေအထား ရပ်တည်မှုနဲ့ ပတ်သက်လို့ရော။
ဦးတင်မောင်သန်း။ ။ ယေဘူယျအားဖြင့်ကတော့ အားလုံး ညီညီညွတ်ညွတ် စုစုစည်းစည်းနဲ့ ဆောင်ရွက်ပြီးတော့ စောစောက ပါလီမန်ပ အဖွဲ့အစည်းတွေ အင်အားကောင်းလာရေးကိုလည်း လုပ်နိုင်မယ်ဆိုရင်တော့ ဒါက အနာဂတ်အတွက် ပြင်ဆင်တာလို့ ပြောရမှာပေါ့။
VOA။ ။ ဟုတ်ကဲ့။ ပါဝင်ဆွေးနွေးပေးကြတဲ့ ဦးအောင်မိုးဇော်၊ ဒေါက်တာမြတ်ဉာဏစိုး၊ ဦးတင်မောင်သန်း၊ ကိုဖြိုးမင်းသိန်း နောက် ပါဝင်မေးမြန်းကြတဲ့ သောတရှင်တွေအားလုံးကို ကျေးဇူးတင်ပါတယ်။
(7-1-2012) စနေနေ့ ညပိုင်း၊ VOA တိုက်ရိုက်လေလှိုင်း အစီအစဉ်
-xxx-
No comments:
Post a Comment