မြန်မာနိုင်ငံကျောင်းသား လူငယ်များ ကွန်ဂရက်၏ သတ္တမ အကြိမ်မြောက်ညီလာခံလာခံကို ဧပြီလ ၁၉ ရက်မှ ၂၁ ရက်ထိ ထိုင်းမြန်မာနယ်စပ်တွင် ပြုလုပ်ခဲ့သည်။
အဆိုပါ ညီလာခံသို့ လူဘောင်သစ်ဒီမိုကရက်တစ်ပါတီ ကိုယ်စားလှယ်အဖွဲ့အား ဗဟိုဦးဆောင်ကော်မတီဝင် ကိုတိုးတိုးထွန်းမှ ဦးဆောင်ပြီး လူ့ဘောင်သစ်လူငယ်အဖွဲ့ဝင် ၃ ဦး တက်ရောက်ခဲ့သည်။ အဆိုပါ ညီလာခံတွင် ၂၀၀၈ ဖွဲ့စည်းပုံအခြေခံဥပဒေ ဆန့်ကျင်တိုက်ဖျက်ရေးအတွက် လွှတ်တော်တွင်း၊ လွှတ်တော်ပ၊ ဥပဒေတွင်း၊ ဥပဒေပ၊ နိုင်ငံရေးအင်အားစုများ၊ တိုင်းရင်းသားအင်အားစုများ၊ ကျောင်းသားလူငယ် အင်အားစုများ၊ လူမျိုးပေါင်းစုံ လူငယ်များနှင့်အတူ လက်တွဲပြီး နည်းသဏ္ဍာန်ပေါင်းစုံဖြင့် ဆက်လက် တိုက်ပွဲဝင်သွားမည်ဟု ဆုံးဖြတ်ခဲ့ကြသည်။
အဆိုပါ ညီလာခံသို့ အဖွဲ့ဝင် အဖွဲ့အစည်း ၁၅ ဖွဲ့မှ ညီလာခံကိုယ်စားလှယ်နှင့် လေ့လာသူ စုစုပေါင်း ၄၀ ဦး တက်ရောက်ခဲ့သည်။ ညီလာခံမှနေ၍ မြန်မာနိုင်ငံကျောင်းသား လူငယ်များ ကွန်ဂရက်ကို ကျစ်လစ်ခိုင်မာသည့် တပ်ပေါင်းစုအဖြစ် တည်ဆောက်သွားရန် ဆုံးဖြတ်ခဲ့သည်။ မြန်မာနိုင်ငံကျောင်းသားလူငယ်များ ကွန်ဂရက်ကို ၁၉၉၆ ခုနှစ်တွင် အိန္ဒိယနိုင်ငံ၌ စတင်ဖွဲ့စည်းခဲ့သည်။
-xxx-
No comments:
Post a Comment